曾健明——在教育电视中是「御用医生」，陪住几代小朋友成长; 在《警讯》、TVB，他又是「骗子王」，两类角色一忠一奸，形象却同样深入民心。全新节目《原来系你》专门访问观众熟口熟面却又未必叫得出名字的绿叶演员，首集就请来入行47年，先后效力过丽的、港台、有线、无线的曾健明，分享在影视圈的轶事。
他的医生形象植近不少人脑里，就连中学生甚至亲生仔都以为他是真正医生！不过，曾健明又讲到，早年拍节目因成本低，冇道具冇替身使他有险死的惊险经历，当时一度为保命转行的他，到底又为什么坚持至今？
记者在访问中提到，自己第一次认识曾健明这个人，就是小时候睇常识科教育电视（ETV），那时常常见到他，很有亲切感，说是「教育电视界一哥」也不过份。讲完其中一集少许剧情，他立即说：「嗰个应该系《青春期的卫生》！」
ETV的世界冇坏人，曾健明总是扮演医生等专业人士，在现实生活中还真的被中学生当作医生，「有个女仔入咗嚟，细细个中学生，佢话：『叔叔，你咪《青春期的卫生》嗰个叔叔？』 我话系呀，佢话我有啲嘢想问吓你，我话我唔系真系一个医生嚟㗎！嗰次非常之尴尬，我话你返去问你老师啦。」
在港台的时期，他经丽的训练班师兄凌礼文搭路认识「警讯之父」麦振江，自此曾健明就不停拍《警讯》，他大爆模拟片段原来冇剧本，警司在警车简述完一单案件后，麦振江就分配角色让演员们自由发挥，来来去去都是那几位演员，「但系最后都唔得喇，太多喇，全部都系我哋做坏人，人哋话：『有冇搞错！拉极都拉唔到佢嘅？拉咗佢，佢又再犯事！』 啲人当佢流！」
港台还有《绳之于法》，曾健明觉得是恐怖版《警讯》，有时他在新闻见到某些案件，求神拜佛千万不要找自己拍摄，但有一次他怎推也推不了，结果就差点见血捱斩。
当时有一宗斩人案，但节目组连道具钱都冇，为悭成本居然用真牛肉刀去斩，「有个联谊会有人俾人斩死咗，佢要我到时瞓返嗰个地方，我真系唔想做，佢话一定要搵我。去到真系要斩喎，咁就搵把牛肉刀啦，搽啲血浆上去先，咁你斩落去拉上嚟咪有血啰。个化妆师连道具都冇，搽咗血浆上去，佢搵只手去摸，想拉好啲血，点知成只手劏开咗！哗！我心谂，死啦，如果你真系斩落嚟⋯⋯」
加上当时案中的「匪徒」非由专业演员去演，而是找位警察来演出，让他更觉险过剃头，「佢要喺我背脊斩落嚟，真系多谢菩萨啊！嗰时真系濑嘢，斩错咗就玩完！」 演到半路，还因场地够钟交场，导演叫满身血的他先落楼下等，曾健明续说：「我话收得工未啊，佢话可能仲要拍，叫我喺楼下等等，我就企喺条街度，成身血淋淋咁啰。」